Ndonëse në sasira të vogla ato janë thelbësore për të gjitha funksionet e organizmit.

Trupi ynë përdor vitaminat çdo ditë gjatë proceseve biokimike normale jetësore. Marrja e vitaminave nga ushqimet, ndihmon në lëshimin e energjisë nga trupi ynë dhe në proceset e rritjes dhe rigjenerimit të indeve.

Fëmijët dhe adoleshentët preferohet që vitaminat ti marrin nëpërmjet ushqimit të freskët.

Studimet kanë treguar se marrja e vitaminave nëpërmjet një suplementi nuk ka të njëjtin efekt sikurse të marra nga ushqimet.

Vetëm në rast të mungesës së oreksit, mosushqyerjes së mjaftueshme dhe infeksioneve të ndryshme mund të jetë e nevojshme marrja e vitaminave nëpërmjet një suplementi.

Disa nga shenjat e mungesës së vitaminave në trup janë mungesa e oreksit, lodhje, vështirësi në konceptimin e mësimit, mungesë përqendrimi, probleme me shikimin, infeksione të përsëritura, plagë të hapura në gojë apo mishrat e dhëmbëve etj./syri/